იურიდიული ეთიკის მიმართულება
პროექტი ხორციელდება ამერიკის შეერთებული შტატების საერთაშორისო განვითარების სააგენტოს (USAID) მხარდაჭერით აღმოსავლეთ-დასავლეთის მართვის ინსტიტუტის (EWMI) სამართლის უზენაესობის პროგრამის ფარგლებში.
პროექტის შეჯამება
პროფესიული სტანდარტების დაცვა იურიდიული პროფესიისადმი ნდობის განმტკიცების ერთ-ერთი უმთავრესი წინაპირობაა საზოგადოებაში. იურიდიული ეთიკის მიმართულების შექმნის მიზანია პროფესიული სტანდარტების შესახებ ცნობიერების ამაღლება და პოპულარიზაცია. აღნიშნული მიზნის მისაღწევად, იურიდიული ეთიკის მიმართულება ახორციელებს შემდეგ აქტივობებს: უმაღლეს სასწავლებლებში იურიდიული ეთიკის კურსის დანერგვა; არსებული კურსების გაუმჯობესება; იურიდიული ეთიკის სფეროში სტუდენტური შეჯიბრების ორგანიზება; ეთიკის მიმართულებით კვლევების განხორციელება სტუდენტებისა და პრაქტიკოსი ადვოკატების ჩართულობით; საერთაშორისო და ადგილობრივი კონფერენციების, საჯარო ლექციებისა და ტრენინგების ორგანიზება.
პროექტის მიზნები
ამ პროექტის საერთო მიზანია სამართლის ეთიკის შესახებ ცოდნისა და გაგების ამაღლება.
ცოდნის გაუმჯობესება
იურიდიული კლინიკის ბაზაზე ნიუ ვიჟენ უნივერსიტეტში ფუნქციონირებს იურიდიული ეთიკის მიმართულების კლინიკა. კლინიკა სთავაზობს მოქალაქეებს უფასო იურიდიულ დახმარებას ადვოკატთა მიერ პროფესიული ეთიკის ნორმების შესაძლო დარღვევის შემთხვევებზე.
ცნობიერების ამაღლება
პროფესიული სტანდარტების შესახებ ცნობიერების ამაღლების მიზნით, კლინიკის სტუდენტები, ამუშავებენ ეთიკის კომისიის გადაწყვეტილებებს/რეკომენდაციებს მათი სისტემატიზაციისა და პრაქტიკის განზოგადების მიზნით.
