მიღება სადოქტორო პროგრამებზე

ნიუ ვიჟენ უნივერსიტეტი აცხადებს მიღებას შემდეგ სადოქტორო პროგრამებზე:

• სამართლის სადოქტორო პროგრამა 
• მედიცინის სადოქტორო პროგრამა 
• სიცოცხლის შემსწავლელი მეცნიერებების სადოქტორო პროგრამა

  სადოქტორო პროგრამაზე ჩარიცხვის მსურველმა ელექტრონულად, არა უგვიანეს 2023 წლის 15 სექტემბრისა უნდა წარმოადგინოს შემდეგი დოკუმენტები:

• პირადობის დამადასტურებელი დოკუმენტის ასლი;
• მაგისტრის ან მასთან გათანაბრებული კვალიფიკაციის დამადასტურებელი დოკუმენტის ასლი (სამართალი: სამართლის მაგისტრი ან მასთან გათანაბრებული აკადემიური ხარისხი; მედიცინა: დიპლომირებული მედიკოსი ან მასთან გათანაბრებული აკადემიური ხარისხი)
• თუ მაგისტრის აკადემიური ხარისხი მიღებული გაქვთ უცხო ქვეყანაში – მიღებული განათლების აღიარების დამადასტურებელი დოკუმენტის ასლი;
• ფოტოსურათი;
• ხელმძღვანელის თანხმობა (საჭიროა წინასწარ შეარჩიოთ ხელმძღვანელი შესაბამისი სკოლის აკადემიური გუნდიდან, დაუკავშირდეთ და მიიღოთ თანხმობა. ხელმძღვანელთან დასაკავშირებლად დახმარებისთვის მოგვმართეთ info@newvision.ge);
• ინგლისურის ან სხვა ევროპული ენის (გერმანული, ფრანგული) მინიმუმ B2 დონეზე ცოდნის დამადასტურებელი საერთაშორისო სერტიფიკატის ან ენობრივი კომპეტენციის დამადასტურებელი სხვა დოკუმენტის ასლი (დეტალური ინფორმაცია, დოკუმენტების სახეებთან დაკავშირებით, იხილეთ ბმულზე);
• სამხედრო აღრიცხვას დაქვემდებარებული პირებისთვის: სამხედრო აღრიცხვაზე ყოფნის დამადასტურებელი დოკუმენტის ასლი;
• თემის სავარაუდო სათაური და სტრუქტურა;
• დაგეგმილი კვლევის აღწერა;
• ავტობიოგრაფია/CV.

  2023-2024 სასწავლო წლის შემოდგომის სემესტრისათვის სადოქტორო პროგრამაზე ჩარიცხვა მოიცავს შემდეგ ეტაპებს:

• საბუთების წარმოდგენა ელექტრონული სახით, არა უგვიანეს 2023 წლის 15 სექტემბრისა;

უცხო ენის გამოცდა (საჭიროების შემთხვევაში): ნებისმიერ დროს სტუდენტის არჩევანის შესაბამისად, უნივერსიტეტის ადმინისტრაციასთან შეთანხმებით, 2023 წლის 15 სექტემბრის ჩათვლით (უცხო ენის გამოცდის ნიმუში);

• გასაუბრებები: 21-22 სექტემბერი, 2023წ;
• გასაუბრების შედეგები: 27 სექტემბერი, 2023წ;
• ადმინისტრაციული რეგისტრაცია: 28 სექტემბერი - 6 ოქტომბერი, 2023წ.

  განაცხადის ელექტრონული ფორმა