ისწავლე სიამოვნებით ნიუ ვიჟენ უნივერსიტეტში
აღმოაჩინე შენზე მორგებული გარემო, შექმენი საკუთარი თავის საუკეთესო ვერსია.
ნვუ — საქართველოს ლიდერი უნივერსიტეტი გლობალურ ინდექსში
THE Impact Rankings-ის მიხედვით, ნვუ მსოფლიოს ლიდერ უნივერსიტეტებს შორისაა და უწყვეტად ინარჩუნებს წამყვან პოზიციებს ქართულ უნივერსიტეტებს შორის მდგრადი განვითარების ხელშეწყობის მიმართულებით.
მათ შორის, უნივერსიტეტი იკავებს ტოპ 101-200 პოზიციას მსოფლიოს უნივერსიტეტებს შორის SDG3 — ჯანმრთელობისა და კეთილდღეობის მიმართულებით.
ნიუ ვიჟენ უნივერსიტეტი ქმნის გარემოს, სადაც თითოეული სტუდენტი ანვითარებს საკუთარი თავის საუკეთესო ვერსიას. სწავლების პროცესი ერგება სტუდენტის ინტერესებს, მის ინდივიდუალურ მახასიათებლებს, მიზნებსა და მისწრაფებებს. პერსონალიზებული მიდგომები განათლებაში, პიროვნულ განვითარებასა და კარიერულ ორიენტაციაში ეხმარება მას იპოვოს მისი ინდივიდუალური გზა.
სწავლის პროცესი სავსეა თავგადასავლებით, აღმოჩენებით, სასიამოვნო გამოწვევებითა და შთაგონებით. უნივერსიტეტის ხედვა განათლებაში ეფუძნება მიდგომას „ისწავლე სიამოვნებით“ — ▶ მოისმინე მეტი მის შესახებ.
ნიუ ვიჟენ უნივერსიტეტი დაფუძნებულია სლოგანით „შთააგონე ზრუნვა“, რაც პიროვნებაზე, საზოგადოებასა და გარემოზე ზრუნვაში აისახება. უნივერსიტეტი ხელს უწყობს მდგრადი განვითარების მიზნების მიღწევას, რაც საერთაშორისო დონეზეა აღიარებული. მაგალითად, ამის გამოხატულებაა მსოფლიო უნივერსიტეტების რეიტინგში (TIMES HIGHER EDUCATION IMPACT RANKINGS) 101-200-ე პოზიცია ჯანმრთელობისა და კეთილდღეობის ხელშეწყობის მიმართულებით.
სტუდენტები სწავლის პროცესში ერთვებიან უნივერსიტეტის ინიციატივებში და თავად ხდებიან საზოგადოების კეთილდღეობისათვის საჭირო ცვლილებების მონაწილე. უნივერსიტეტის 10 შვილობილი კომპანია სრულად ფარავს საგანმანათლებლო პროგრამების მიმართულებებს და როგორც სამუშაო გამოცდილების, ასევე დასაქმების მრავალფეროვან შესაძლებლობებს ქმნის.
აირჩიე სადოქტორო პროგრამა
2026-2027 სასწავლო წლისთვის ნიუ ვიჟენ უნივერსიტეტი აცხადებს მიღებას შემდეგ სადოქტორო პროგრამებზე:
ბიზნესის ადმინისტრირების სადოქტორო პროგრამა
ბიზნესის ადმინისტრირების სადოქტორო პროგრამის მიზანია პიროვნების თავისუფალი განვითარების ხელშეწყობა და ბიზნესის ადმინისტრირების სფეროში მისი ხედვის გაფართოება მაღალი ხარისხის კვლევისა და სწავლებისთვის აუცილებელი კომპეტენციების განვითარებით. პროგრამა ამზადებს დარგის ლიდერებს, რომლებიც გამოირჩევიან კრიტიკული აზროვნებით, პრობლემების შემოქმედებითად გადაჭრის უნარითა და ინოვაციური ცოდნის შექმნისა და გავრცელების შესაძლებლობით.
პროგრამა ორიენტირებულია დამოუკიდებელი მკვლევრების ჩამოყალიბებაზე, რომლებიც შეძლებენ:
განათლების სადოქტორო პროგრამა
განათლების მეცნიერების სადოქტორო პროგრამის მიზანია განათლების სფეროში სოციალურ საჭიროებებზე დაფუძნებული და, უპირატესად, ინტერდისციპლინური კვლევისათვის პლატფორმის შექმნით, არსებული ცოდნის, კვლევის ახალი მეთოდებისა და ინსტრუმენტების სწავლების მეშვეობით, პიროვნების თავისუფალი განვითარების ხელშეწყობა და ინოვაციური ცოდნის გენერირება.
განათლების მეცნიერების სადოქტორო პროგრამა ემსახურება უნივერსიტეტის მისიას, გააფართოვოს ინდივიდის თვალსაწიერი განათლების, კვლევისა და ინოვაციის დანერგვით, ხელი შეუწყოს ცოდნისა და ღირებულებების გააზიარებას უკეთესი მომავლის შესაქმნელად.
პროგრამის იდეა დაიბადა ხედვით, რომ განათლება ტრანსფორმაციული და ამასთან, ინტერდისციპლინური ძალაა. პროგრამა დოქტორანტებს აძლევს შესაძლებლობას, განათლების მეცნიერებისა და წინარე სწავლის სფეროს სისტემური ცოდნის სინთეზის საფუძველზე, ინოვაციური მეთოდების გამოყენებით, დანერგონ სიახლე და გააფართოონ არსებული ცოდნა.
პროგრამის ძირითადი ორიენტირები:
სამართლის სადოქტორო პროგრამა
სამართლის სადოქტორო პროგრამა მიზნად ისახავს სამართლის სფეროში დამოუკიდებელი მკვლევრების, აკადემიური პერსონალისა და მაღალი კვალიფიკაციის მქონე პროფესიონალების მომზადებას, რომლებიც შეძლებენ სამართლებრივი პრობლემების კრიტიკულ ანალიზს, ახალი ცოდნის შექმნასა და სამართლის განვითარების პროცესში აქტიურ მონაწილეობას.
პროგრამა ხელს უწყობს დოქტორანტების კვლევითი, ანალიტიკური და აკადემიური უნარების განვითარებას, უზრუნველყოფს თანამედროვე სამართლებრივი თეორიებისა და კვლევის მეთოდოლოგიის სიღრმისეულ შესწავლას და ამზადებს მათ საერთაშორისო აკადემიურ სივრცეში წარმატებული საქმიანობისთვის.
სამართლის სფეროში ინოვაციური კვლევების განხორციელების მიზნით სწავლების პროცესში განსაკუთრებული ყურადღება ეთმობა დამოუკიდებელ სამეცნიერო კვლევას, აკადემიური ეთიკის დაცვასა და საერთაშორისო სტანდარტების შესაბამისი სამეცნიერო ნაშრომების მომზადებას.
გაეცანი უნივერსიტეტის შვილობილ კომპანიებს
10 შვილობილი კომპანია სრულად ფარავს საგანმანათლებლო პროგრამების მიმართულებებს და როგორც სტაჟირების, ასევე დასაქმების მრავალფეროვან შესაძლებლობებს იძლევა.
დოქტორანტთა მხარდაჭერა და ხელმძღვანელობა
ნიუ ვიჟენ უნივერსიტეტი დოქტორანტებს სთავაზობს კვლევასა და განვითარებაზე ორიენტირებულ, საერთაშორისო აკადემიურ ეკოსისტემას. უნივერსიტეტის მიდგომა ეფუძნება თითოეული მკვლევრის ინდივიდუალური ინტერესებისა და კვლევითი პოტენციალის მაქსიმალურ ხელშეწყობას. უნივერსიტეტის ხედვა ეფუძნება სწავლების, კვლევითი და სხვა, მათ შორის, განვითარების აქტივობების ერთობლიობას, რაც სადოქტორო განათლებაშიც აისახება.
უნივერსიტეტის დოქტორანტებს აქვთ უნიკალური შესაძლებლობა, ჩაერთონ უნივერსიტეტის ბაზაზე მოქმედ წამყვან კვლევით ცენტრებში (მაგალითად, კარლ ცაისის მიკროსკოპიის საგანმანათლებლო და კვლევით ცენტრში, IPRES-სა თუ იურიდიული ეთიკის მიმართულებაში) და მჭიდროდ ითანამშრომლონ როგორც ადგილობრივ, ისე საერთაშორისო ექსპერტებთან. ამასთან, კვლევების პრაქტიკული და გამოყენებითი ღირებულების გასაზრდელად, სტუდენტებს შეუძლიათ გამოიყენონ ნვუ ჯგუფის 10 შვილობილი კომპანიის მრავალფეროვანი რესურსი.
კვლევითი ცენტრები
ნვუ-ში მოქმედი კვლევითი ცენტრები ხელს უწყობს მეცნიერების, ინოვაციებისა და საერთაშორისო თანამშრომლობის განვითარებას. სადოქტორო პროგრამის სტუდენტებს შესაძლებლობა აქვთ ჩაერთონ კვლევით პროექტებში, ითანამშრომლონ ადგილობრივ და საერთაშორისო ექსპერტებთან და შეიძინონ გამოცდილება, რომელიც მათ აკადემიურ განვითარებასა და კვლევას შეუწყობს ხელს.
ბიბლიოთეკა და ელ. რესურსები
თანამედროვე საბიბლიოთეკო სივრცე და მრავალფეროვანი ელექტრონული რესურსები სანდო, მაღალი ხარისხის აკადემიურ ლიტერატურასა და სამეცნიერო ბაზებზე უწყვეტ წვდომას უზრუნველყოფს.
საერთაშორისო გარემო
სტუდენტები და აკადემიური პერსონალი
გაცვლითი პროგრამები და პარტნიორები
სადოქტორო პროგრამაზე რეგისტრაცია
- განაცხადის წარდგენაარაუგვიანეს 18 სექტემბრის 12:00 საათისა
- ინგლისური ენის გამოცდა (საჭიროების შემთხვევაში)არაუგვიანეს 18 სექტემბრისა
- გასაუბრება კანდიდატებთან21-25 სექტემბერი
- შედეგების გაცნობა28 სექტემბერი
- აპელაციის მიღება28-29 სექტემბერი
- აპელაციის შედეგების გამოცხადება30 სექტემბერი
სადოქტორო პროგრამაზე ჩარიცხვისთვის წარმოსადგენი დოკუმენტები
- პირადობის მოწმობის ასლი
- მაგისტრის ხარისხის ან მასთან გათანაბრებული საკვალიფიკაციო დოკუმენტის ასლი
- თუ თქვენ მიღებული გაქვთ მაგისტრის აკადემიური ხარისხი უცხო ქვეყნიდან, უნდა წარმოადგინოთ თქვენი განათლების აღიარების დამადასტურებელი დოკუმენტის ასლი
- ფოტო
- ხელმძღვანელის თანხმობა
- ინგლისური ან სხვა ევროპული ენის (გერმანული, ფრანგული) მინიმუმ B2 დონის საერთაშორისო სერტიფიკატის ასლი ან ენობრივი კომპეტენციის დამადასტურებელი სხვა დოკუმენტი (იხ. დეტალურად); *განათლების სადოქტორო პროგრამის შემთხვევაში — ინგლისური ენის C1 დონეზე ფლობის საერთაშორისო სერტიფიკატის ასლი — იხილეთ აღიარებული სერტიფიკატების სია
- სამხედრო რეგისტრაციას დაქვემდებარებული პირებისათვის: სამხედრო აღრიცხვის დოკუმენტის ასლი
- ნაშრომის სავარაუდო სახელწოდება და სტრუქტურა
- დაგეგმილი კვლევის აღწერა
- ავტობიოგრაფია / CV
დაჯავშნე კონსულტაცია ონლაინ
ჩვენი წარმომადგენლები დაგეხმარებიან სადოქტორო პროგრამებთან დაკავშირებული კითხვების შემთხვევაში, ასევე სააპლიკაციო პროცესის სწორად წარმართვაში.
კონსულტაციის დაჯავშნა →ჩვენი მისამართები
