მირიან შენგელაიამ 1999 წელს დაამთავრა საქართველოს თეატრისა და კინოს სახელმწიფო უნივერსიტეტის სარეჟისორო ფაკულტეტი. მას შემდეგ აქტიურად მოღვაწეობს სფეროში, როგორც რეჟისორი, დამდგმელი ოპერატორი, მემონტაჟე და ტელე/კინო სპეცტექნიკის ოპერატორი. 1999-2006 წლებში მირიან შენგელაია გახლდათ სამაუწყებლო კომპანია „რუსთავი 2“-ის დამდგმელი ოპერატორი და მემონტაჟე. ამ პერიოდში იმუშავა მრავალ პროექტზე, მათ შორისაა: „საქართველო – უახლესი ისტორია", „კურიერ პოსტ-სკრიპტუმი", „ფსიქო", "ვის უნდა 20000?", "ყველაზე ჭკვიანი", "ხალხის პირისპირ". 2007-2016 წლებში თანამშრომლობდა მრავალ ტელეკომპანიასთან, რეჟისორის, დამდგმელი ოპერატორისა და მონტაჟის რეჟისორის რანგში. იმუშავა პროექტებზე: „წითელი ზონა", „ცხოვრება მშვენიერია", „ჯეობარი", „ვოისი საქართველო" და  „დიდი ქართველები". მირიან შენგელაიას აქვს სარეკლამო, საიმიჯო და მუსიკალურ კლიპებზე მუშაობის გამოცდილება. ასევე, ის გახლავთ 6 მხატვრული ფილმის დამგმელი ოპერატორი, მათ შორის ფილმმა „სუსა" მოიპოვა 4 „გრან პრი“ მსოფლიოს სხვადასხვა კინოფესტივალზე. 2018 წლიდან დღემდე, „რადიო თავისუფლებისთვის“ ამზადებს დოკუმენტურ სერიებს „ანარეკლები", „+-21" და  „ფენოვანი 2.30".