დავით ფარულავას ჟურნალისტიკის ბაკალავრის ხარისხი მიენიჭა ივ. ჯავახიშვილის სახელობის თბილისის სახელმწიფო უნივერსიტეტის მიერ. მედიაკვლევების მაგისტრის ხარისხი მიიღო ილიას სახელმწიფო უნივერსიტეტში, ხოლო ევროპათმცოდნეობის მაგისტრის ხარისხი – ლუნდის უნივერსიტეტში (შვედეთი). 2014-2019 წლებში მუშაობდა ჟურნალ „ლიბერალის” რეპორტიორად, ხოლო 2017-2020 წლებში ონლაინგამოცემა oc-media.org-ის ჟურნალისტად. 2021 წლიდან მუშაობს საერთაშორისო გამოცემა POLITICO Europe-ისთვის.