ანჯელა მაგნანინი
პროფესორი, განათლების მეცნიერებების მიმართულებით
ანჯელა მაგნანინი (PHD) არის ასოცირებული პროფესორი სპეციალურ განათლებასა და პედაგოგიკაში (SSD: M-PED/03) რომის უნივერსიტეტის „ფორო იტალიკოს" სპორტის, ჯანმრთელობისა და ჰუმანური მეცნიერებების დეპარტამენტში. ასევე გახლავთ სწავლების მხარდაჭერის სპეციალიზაციის კურსის დირექტორი და დეკანის დელეგატი შეზღუდული შესაძლებლობებისა და ინკლუზიის საკითხებში.
კითხულობს ლექციებს პედაგოგიკის, სპეციალური საგანმანათლებლო საჭიროებების პედაგოგიკისა და ინტეგრირებული სპორტის პედაგოგიკის შესახებ (საბაკალავრო და სამაგისტრო კურსები, ასევე სკოლის მასწავლებლების გადამზადების კურსები). ის არის ადამიანის მოძრაობისა და სპორტის მეცნიერებებში სადოქტორო პროგრამის წევრი, ასევე რამდენიმე ეროვნული და საერთაშორისო ჟურნალის სამეცნიერო კომიტეტის წევრი. მნიშვნელოვანი წვლილი შეიტანა Baskin-ის (ინტეგრირებული კალათბურთი) და ინტეგრირებული ფეხბურთის შექმნაში.
ანჯელა მაგნანინი გახლავთ არაერთი ეროვნული და საერთაშორისო პუბლიკაციის ავტორი, მათ შორის – მონოგრაფიები, ესეები და სამეცნიერო ჟურნალებში გამოქვეყნებული სტატიები.