ასისტენტი განათლების სამართლის მიმართულებით
თათა ერქვანია არის ნიუ ვიჟენ უნივერსიტეტის დოქტორანტი და ასისტენტი განათლების სამართლის მიმართულებით. იგი ფლობს ივ. ჯავახიშვილის სახელობის თბილისის სახელმწიფო უნივერსიტეტის მიერ მინიჭებულ სამართალმცოდნეობის ბაკალავრისა და სამართალმცოდნეობის მაგისტრის ხარისხებს (საქართველო), ასევე, ბერლინის ჰუმბოლდტის უნივერსიტეტის (გერმანია) LL.M-ს გერმანულ და ევროპულ სამართალსა და სამართლებრივ პრაქტიკაში (2016 წ.); მას აქვს მნიშვნელოვანი სამუშაო გამოცდილება საინვესტიციო პროექტების განხორციელების მიმართულებით. თათა ერქვანიას მოპოვებული აქვს არაერთი სტიპენდია, მათ შორის: გერმანიის აკადემიური გაცვლის სამსახურის (DAAD), გერმანიის კათოლიკური აკადემიური გაცვლის სამსახურისა (KAAD) და საერთაშორისო სამართლებრივი თანამშრომლობის გერმანული ფონდის (IRZ). ასევე, 2017-2019 წლებში იყო გერმანიის საერთაშორისო თანამშრომლობის საზოგადოებისა (GIZ) და საერთაშორისო მიგრაციისა და განვითარების ცენტრის (CIM) ექსპერტთა პროექტის მონაწილე. ამავე პერიოდში, მოწვეული ლექტორის სტატუსით უძღვებოდა სამუშაო ჯგუფებს კანონისმიერ ვალდებულებით სამართალში, სანივთო სამართალსა და სამოქალაქო სამართლის შესავალში ილიას სახელმწიფო უნივერსიტეტში. იგი მუშაობდა არაერთ საერთაშორისო კომპანიაში.
პუბლიკაციები
● ,,მომხმარებელთა უფლებების დაცვის ევროპული სტანდარტები ელექტრონულ ვაჭრობაში და შესაბამისი ქართული კანონმდებლობა”, ჟურნალი: მართლმსაჯულება და კანონი, საქართველოს უზენაესი სასამართლოს ჟურნალი, 2011 N3, თბილისი, საქართველო (ქართულ ენაზე), გვ. 44.
● ,,ადამიანის ძირითადი უფლებები ჰორიზონტალურ კერძო-სამართლებრივ ურთიერთობებში”, ჟურნალი: მართლმსაჯულება და კანონი, საქართველოს უზენაესი სასამართლოს ჟურნალი, 2011 N4, თბილისი, საქართველო (ქართულენაზე), გვ. 57.
● „სახელმწიფოსა და რელიგიის ურთიერთმიმართების სამართლებრივი კონტექსტი- ქართული მოდელი (მოკლე შედარებითსამართლებრივი მიმოხილვა ევროპული კავშირის მაგალითზე)”, საკონსტიტუციო სამართლის მიმოხილვა, საქართველოს საკონსტიტუციო სასამართლოს ჟურნალი, N6. 2013 (ქართულ და ინგლისურენაზე).
● „სახელისუფლებო შტოებს შორის ურთიერთობის სპეციფიკა 2010 წლის კონსტიტუციური რეფორმის შემდეგ“, კონრად ადენაუერის ფონდი სამხრეთ კავკასიაში, სტატიათა კრებული: „სუპერსაპრეზიდენტოდან საპარლამენტო რესპუბლიკამდე“, (ქართულ ენაზე), 2013 წლის ივნისი.
● საქართველოს კონსტიტუციის კომენტარების თანაავტორი (მუხლი 43: ომბუდსმენის ინსტიტუტი, ქართულ ენაზე), GIZ პროექტი, 2013 წ.
● სახელმძღვანელოს თანაავტორი: „საქართველოს საკონსტიტუციო სამართალი“, სახელმძღვანელო, ქართულ ენაზე, 2014 წ.
● “ე.წ. „რეალური” კონსტიტუციური სარჩელის საკონსტიტუციო მართლმსაჯულების სისტემაში ინტეგრირების შესახებ”, 2017 წლის საკონსტიტუციო რეფორმის ანალიზი, სტატიათა კრებული (ქართულ ენაზე), თბილისის სახელმწიფო უნივერსიტეტი (თსუ), თბილისი, საქართველო.
● მონოგრაფია გერმ. ენაზე: „კონსტიტუცია და საკონსტიტუციო მართლმსაჯულება საქართველოში“, დისერტაცია („Verfassung und Verfassungsgerichtsbarkeit in Georgien“. Schiftenreihe: „Studien und Materialien zur Verfassungsgerichtsbarkeit“), გამომცემლობა Nomos, ბადენ-ბადენი, გერმანია.
● “რელიგიური გაერთიანებების თანასწორობის პრინციპის უზრუნველყოფა სეკულარიზმის პრინციპის იდენტიფიცირების გარეშე? საქართველოს საკონსტიტუციო სასამართლოს აქტუალური მართლმსაჯულება”, 2019 წ. კორკელია, კ. (რედ.), სტატიების კრებული (ქართულ ენაზე), თბილისის სახელმწიფო უნივერსიტეტი (თსუ), თბილისი, საქართველო.
● „საქართველოს ტერიტორიული კონფლიქტების კონსტიტუციური სტატუსი და მათი რეგულირების უკანასკნელი მცდელობები”, პოლიტიკისა და დემოკრატიზაციის ჟურნალი (GIPA), ინგლ. ენაზე, 2021 წ.
● “უნიტარიზმი რეგიონალიზმის ნიშნებით - ცალკეული ასპექტები და ქართული კონტექსტი”, საქართველოს საკონსტიტუციო სასამართლოს ჟურნალი, 2022 წლის ოქტომბერ-ნოემბერი. ქართულ და ინგლ. ენებზე.
● “კონსტიტუციის განმარტების მეთოდები გერმანულ კონსტიტუციონალიზმში (ცალკეული ასპექტები)”, თბილისის სახელმწიფო უნივერსიტეტი (თსუ), სამართლის ჟურნალი, 2023 წ. ქართულ და ინგლ. ენებზე.
● “გამოხატვის თავისუფლების შეზღუდვა - აშშ-ის უზენაესი სასამართლოს მართლმსაჯულება (ცალკეული ასპექტები)” თბილისის სახელმწიფო უნივერსიტეტი (თსუ), სტატიათა კრებული, კ. კორკელია (რედ.), 2023 წ.
● “სამართლის ფილოსოფია”, სახელმძღვანელო სამართლის სკოლის/იურიდიული ფაკულტეტის სტუდენტებისათვის, USAID პროექტი, ნიუ ვიჟენ უნივერსიტეტი, თბილისი 2024.
● გამოქვეყნების პროცესში: “სეკულარიზმის პრინციპი საქართველოს კონსტიტუციის მიხედვით - საქართველოს საკონსტიტუციო სასამართლოს აქტუალური მართლმსაჯულება”, გერმ. ენაზე, Österreichisches Archiv für Recht und Religion (Wien 2024).