ნინო ჟვანია გახლავთ საერთაშორისო ურთიერთობების სპეციალისტი. 1997 წელს დაამთავრა ივანე ჯავახიშვილის სახელობის თბილისის სახელმწიფო უნივერსიტეტი საერთაშორისო ურთიერთობების სპეციალობით. წლების განმავლობაში მუშაობდა საერთაშორისო ორგანიზაციებში როგორც საქართველოში, ასევე მის ფარგლებს გარეთ. ხანგრძლივი დროის განმავლობაში იყო გაეროს საქართველოს წარმომადგენლობის მრჩეველი რეგიონულ საკითხებში. ევრაზიის ფონდში მუშაობისას იგი ხელმძღვანელობდა სამოქალაქო ჩართულობის, საჯარო ადმინისტრაციისა და პოლიტიკის, ასევე, ეკონომიკური განვითარების მიმართულებებს. ქალბატონი ნინო იყო რამდენიმე საერთაშორისო ორგანიზაციის საქართველოს წარმომადგენლობის დირექტორი და ხელმძღვანელობდა აშშ-ის განვითარების სააგენტოს მიერ დაფინანსებულ პროექტებს. 1999-2010 წლებში იგი გახლდათ მოწვეული ლექტორი ივანე ჯავახიშვილის სახელობის თბილისის სახელმწიფო უნივერსიტეტში. ნინი ჟვანია საერთაშორისო ურთიერთობების პოლიტეკონომიის სამაგისტრო კურსის ავტორია, რომელიც გამოიცა სოციალური მეცნიერებების ცენტრის მიერ ღია საზოგადოების ინსტიტუტის (ბუდაპეშტი) დაფინანსებით. ასევე, ის არის აშშ-ის პროექტების მენეჯმენტის ინსტიტუტის მიერ სერტიფიცირებული პროექტების მართვის პროფესიონალი.