მიხეილ შავთვალაძეს დოქტორის ხარისხი პოლიტიკის მეცნიერების მიმართულებით – ივანე ჯავახიშვილის სახელობის თბილისის სახელმწიფო უნივერსიტეტში, ხოლო მაგისტრის ხარისხი პოლიტიკის მეცნიერების მიმართულებით ცენტრალური ევროპის უნივერსიტეტში (ბუდაპეშტი, უნგრეთი) მიენიჭა. მას აქვს  ხანგრძლივი პედაგოგიური გამოცდილება სხვადასხვა სახელმწიფო და კერძო უნივერსიტეტებში. მონაწილეობდა მრავალ საერთაშორისო თუ ადგილობრივ კონფერენციებში. 2015-2016 წლებში, ის გახლდათ მარი კიურის სტიპენდიანტი ვილნიუსის უნივერსიტეტში (ევროკავშირის პროექტი).  2012 - 2015 წლებში კი იყო აკადემიური დახმარების პროგრამის (HESP-AFP, ფონდი ღია საზოგადოება საქართველო) ადგილობრივი მკვლევარი ივანე ჯავახიშვილის სახელობის თბილისის სახელმწიფო უნივერსიტეტის საერთაშორისო ურთიერთობების დეპარტამენტში.  აქვს რამდენიმე სამეცნიერო პუბლიკაცია რეცენზირებად საერთაშორისო ჟურნალებში და გამომცემლობებში.