მასუდ ულ ჰასან ჯავედმა ბაკალავრისა და მაგისტრის ხარისხი ფიზიოლოგიაში „კარაჩის უნივერსიტეტში“ (პაკისტანი) მიიღო. ასევე მაგისტრის ხარისხს ბიოქიმიასა და მოლეკულურ ბიოლოგიაში დაეუფლა „ქუეიდ-ი-აზამის უნივერსიტეტში“ (პაკისტანი), ხოლო დოქტორის ხარისხი ბიოლოგიაში, კერძოდ, ფიზიოლოგიასა და ბიოქიმიაში, „შუა აღმოსავლეთის ტექნიკური უნივერსიტეტის“ მიერ (ანკარა) მიენიჭა.   დოქტორი ჯავედი იკავებდა შემდეგ თანამდებობებს: ფიზიოლოგიის პროფესორი 2013 წლიდან 2017 წლამდე „მეფე საუდ ბინ აბდულ აზიზის უნივერსიტეტში“ (საუდის არაბეთი). 2010 წლიდან 2013 წლამდე გახლდათ ძირითადი სამედიცინო მეცნიერებების პროფესორი „სულემან ალ-რაჯის უნივერსიტეტის სამედიცინო კოლეჯში“. 1999-2001 წლებში იგი იკავებდა ბიოქიმიის პროფესორის თანამდებობას  „შიფას სამედიცინო კოლეჯში“ (პაკისტანი). 1988 წლიდან 1998 წლამდე დოქტორი ჯავედი იყო ბიოქიმიის ასისტენტი და ასოცირებული პროფესორი „აგა-ხან უნივერსიტეტში“.   დოქტორმა ჯავედმა პედაგოგიური კარიერა 1978 წელს ქალაქ მულტანში (პაკისტანი) ბაჰაუდინ-ზაქარიას სახელობის უნივერსიტეტში დაიწყო, სადაც ათი წელი გაატარა ლექტორისა და ასისტენტ პროფესორის თანამდებობაზე ფარმაკოლოგიის დეპარტამენტში. მისი ავტორობით გამოიცა 60 სამეცნიერო პუბლიკაცია ფიზიოლოგიასა და ბიოქიმიაში.