ელზა ნიკოლეიშვილს მედიცინის აკადემიური დოქტორის წოდება მიენიჭა 2006 წელს თბილისის სახელმწიფო სამედიცინო უნივერსიტეტში;  აქვს პედიატრად მუშაობის თორმეტწლიანი გამოცდილება. 2013 წლიდან არის საქართველოს უნივერსიტეტის ფარმაციის საბაკალავრო და სამაგისტრო პროგრამების ხელმძღვანელი, 2016 წლიდან პროფესორი; დაპატენტებული აქვს 10-ზე მეტი სამეცნიერო ნაშრომი - სისტემური სრული უწყვეტი საგანმანათლებლო პროგრამები ჯანმრთელობის მეცნიერებების მიმართულებით; არის 3 მოკლევადიანი საგანამანათლებლო სასერტიფიკატო კურსის  და 20 სამეცნიერო პუბლიკაციის ავტორი; 2019 წელს გახდა შოთა რუსთაველის ეროვნული სამეცნიერო ფონდის ექსპერტი სადოქტორო საგრანტო პროექტების მიმართულებით და  „საზოგადოებრივი ჯანდაცვის“ მიმართულების უმაღლესი საგანამანათლებლო პროგრამის დარგობრივი საბჭოს წევრი. 2019 წლიდან არის საერთაშორისო სამეცნიერო ჟურნალის www.caucasushealth.ge სარედაქციო კოლეგიის წევრი და ევროპის სამეცნიერო ჟურნალის www.eujournal.org/index.php/esj მიწვეული ექსპერტი. აქტიურ მონაწილეობას იღებს კლინიკური ფარმაციის, კლინიკური ფარმაკოლოგიის და ფარმაკოზედამხედველობის მიმართულებით ეროვნულ და საერთაშორისო კონფერენციებსა და ვორქშოფებში.