ეკატერინე ჯაიანს მიენიჭა ბიოლოგიის მეცნიერებათა კანდიდატის აკადემიური ხარისხი გიორგი ელიავას სახელობის ბაქტერიოფაგიის, მიკრობიოლოგიისა და ვირუსოლოგიის ინსტიტუტის მიერ 2004 წელს. 2000 წლიდან იგი არის ამავე ინსტიტუტის თანამშრომელი, ამასთან 2014 წლიდან დღემდე - მთავარი მეცნიერ-თანამშრომელია. 2013-2014 წლებში ეკატერინე იყო საქართველოს აგრარული უნივერსიტეტის წყლის მიკრობიოლოგიის ლაბორატორიის ხელმძღვანელი. მას გავლილი აქვს სტაჟირება ევროპის ქვეყნების კვლევით დაწესებულებებსა და სამეცნიერო ლაბორატორიებში, მათ შორის: შტუტგარტის უნივერსიტეტის ბიოლოგიის ინსტიტუტში (შტუტგარტი, გერმანია), უელსის უნივერსიტეტის უჯრედული ბიოლოგიის ლაბორატორიაში (კარდიფი, უელსი), ზღვის ბიოტექნოლოგიის ცენტრში (ბალტიმორი, აშშ) და ა.შ.