ბერნდ გერჰარდ ლორბერმა ფიზიკაში დოქტორის ხარისხი მიუნხენის ლუდვიგ მაქსიმილიანის უნივერსიტეტში მიიღო. მისი სადისერტაციო თემა იყო ფერთა ნიმუშების ამოცნობა ადამიანის მხედველობის სისტემის მიერ, კიბერნეტიკის მეთოდები და მათემატიკური ფიზიკა. ამას გარდა, მიუნხენის ლუდვიგ მაქსიმილიანის უნივერსიტეტში მიიღო მედიცინის დოქტორის წოდება. ბერნდ ლორბერმა მედიცინის ბუნებისმეტყველებასთან შესათავსებლად ლაბორატორიულ მედიცინას მიჰყო ხელი და სამედიცინო პრაქტიკის ლიცენზია მიიღო. ხოლო კვლევისას აქცენტი, ვიზუალურად გამოწვეულ პოტენციალებზე დაყრდნობით, ამბლიოპიის ადრეულ აღმოჩენაზე გააკეთა. ბერნდ ლორბერის სწავლების პერიოდი ლუდვიგ მაქსიმილიანის უნივერსიტეტში, რომელმაც 12 წელს გასტანა, შემდეგ დისციპლინებს მოიცავს: 1) შინაგანი მედიცინა (გასტროენტეროლოგია და მიუნხენის უნივერსიტეტის ტროპიკული მედიცინის ინსტიტუტის საწოლები); 2) სამედიცინო მიკრობიოლოგია მაქს ფონ პეტენკოფერის ჰიგიენისა და მიკრობიოლოგიის ინსტიტუტში; 3) ინფექციური სეროლოგია და კლინიკური იმუნოლოგია; 4) კლინიკური ქიმია (კლინიკური ქიმიის ინსტიტუტი, Klinikum Grosshadern). ამ დროის განმავლობაში, ლორბერმა, როგორც ავტორმა და თანაავტორმა, 65 სამეცნიერო ნაშრომი გამოაქვეყნა სამედიცინო ჟურნალებში და ეკოლოგიური მედიცინის სპეციალისტი გახდა. მან პრაქტიკული კარიერა პირმასენსში კერძო ლაბორატორიის შეძენით დაიწყო, მოგვიანებით კი ნიურმბერგში იყიდა ლაბორატორია, რომელიც კარგად ცნობილ კვლევით ცენტრად აქცია.   საერთაშორისო კლიენტებისთვის მან ამერიკული პათოლოგიების კოლეჯის აკრედიტაცია გაიარა და სერტიფიკატი CLIA-ს სტანდარტით აიღო. 12 წლის შემდეგ ნიურმბერგში ლაბორატორია გაყიდა და ზაარლანდის უდიდეს, ზაარბრიუკენის მუნიციპალურ კლინიკაში ლაბორატორიის უფროსად მუშაობდა. ამასობაში ლორბერმა ÖÄK-ის (ავსტრიის სამედიცინო საზოგადოება) დიპლომი აიღო გენეტიკაში. ის AACC-ის, ევროპის კლინიკური მიკრობიოლოგიისა და ინფექციური დაავადებების საზოგადოების, ინფორმატიკისა და რობერტ კოხის კომპანიის წევრია. მის ინტერესებში ყოველთვის შედიოდა და შედის სიმსივნის ადრეული აღმოჩენა.