ალესანდრო ჩენერელი იურისტი, სამართლის პროფესორი და სახელმწიფო მოხელეა. მას სადოქტორო ხარისხი აქვს შედარებით სამართალში და მიწვეული მკვლევარია ეკონომიკის უმაღლეს სკოლაში (რუსეთი). ასევე, მეცნიერ-თანამშრომელი ლუიჯი ვანვიტელის სახელობის კამპანიის უნივერსიტეტში (იტალია). იმის გარდა, რომ ჩენერელი ევროპული სამართლის ინსტიტუტისა და ევროკავშირის ადმინისტრაციული სამართლის კვლევითი ქსელის წევრია, ის ასევე არის სახელმწიფო მმართველობის კონსტიტუტციურ საფუძვლებზე მომუშავე კვლევითი ჯგუფის დამაარსებელი და  კოორდინატორი, რომელიც საკონსტიტუციო სამართლის საერთაშორისო ასოციაციის (IACL) ფარგლებში ოპერირებს. ალესანდრო ჩენერელი არაერთი საერთაშორისო კონფერენციის სპიკერი ან მოდერატორია და დიდი წვლილი აქვს შეტანილი შეხვედრების, სემინარებისა და სხვა სამეცნიერო საქმიანობის ორგანიზებაში ევროპისა და აზიის უნივერსიტეტებთან ერთად. მისი კვლევის სფერო მოიცავს ადმინისტრაციულ სამართალს, სახელმწიფო შესყიდვების კანონს, საკონსტიტუციო სამართალს, შედარებით საჯარო სამართალსა და ადმინისტრაციულ მეცნიერებებს, ხოლო ვიწრო სპეციალიზაციის მხრივ მის ინტერესებშია აღმოსავლეთი ევროპისა და ევრაზიის სამართლებრივი სისტემები. ამ საკითხებზე დაწერილი აქვს სტატიები და ესეები ინგლისურ, იტალიურ, რუსულ და ესპანურ ენებზე.