თანხმობა ჩარიცხვის განაცხადის წარდგენაზე

განაცხადის წარდგენით ვადასტურებ, რომ გავეცანი და ვეთანხმები ქვემოთ მოცემულ პირობებს:

პერსონალური მონაცემების დამუშავება

ვადასტურებ, რომ განაცხადში ჩემს მიერ წარმოდგენილი ინფორმაცია არის სრული, ზუსტი და სანდო. ასევე, ვეთანხმები, რომ ნიუ ვიჟენ უნივერსიტეტმა დაამუშაოს განაცხადში მითითებული პერსონალური მონაცემები ჩარიცხვის პროცესის ადმინისტრირების, კანდიდატის შეფასების, ჩემთან კომუნიკაციისა და საქართველოს მოქმედი კანონმდებლობით გათვალისწინებული სხვა სამართლებრივი ვალდებულებების შესრულების მიზნით.

მონაცემების გაზიარება

ვაცნობიერებ და ვეთანხმები, რომ საჭიროების შემთხვევაში ჩემი პერსონალური მონაცემები ხელმისაწვდომი გახდება ნიუ ვიჟენ უნივერსიტეტის შესაბამისი სტრუქტურული ერთეულებისთვის, აგრეთვე იმ უფლებამოსილი ორგანიზაციებისა და სახელმწიფო უწყებებისთვის, რომელთა მონაწილეობაც აუცილებელია ჩარიცხვის პროცესის განხორციელებისა და კანონით გათვალისწინებული მოთხოვნების შესასრულებლად.

ინფორმაციის სიზუსტე

ვადასტურებ, რომ განაცხადში მითითებული ყველა ინფორმაცია და ატვირთული დოკუმენტი შეესაბამება სინამდვილეს. ვიცი, რომ მცდარი, არასრული ან ყალბი ინფორმაციის წარმოდგენა შეიძლება გახდეს ჩემი განაცხადის ჩახსნის ან შემდგომში, მიღების (ჩარიცხვის) გაუქმების საფუძველი.

მონაცემების შენახვა

ვეთანხმები, რომ ნიუ ვიჟენ უნივერსიტეტმა მონაცემთა დამუშვებისა და შენახვის პოლიტიკის შესაბამისად, ადმინისტრაციული და სამართლებრივი მიზნებისთვის შეინახოს ჩემი განაცხადი და მასთან დაკავშირებული მონაცემები, მათ შორის იმ შემთხვევაშიც, თუ უნივერსიტეტში არ ვიქნები ჩარიცხული.

კომუნიკაცია

ვეთანხმები, რომ ჩარიცხვის პროცესთან დაკავშირებული ინფორმაცია, შეტყობინებები და გადაწყვეტილებები მივიღო განაცხადში მითითებული საკონტაქტო საშუალებების (ელექტრონული ფოსტა, ტელეფონის ნომერი ან სხვა საკომუნიკაციო არხი) მეშვეობით.

ინფორმაციის გადამოწმება

ვაძლევ ნიუ ვიჟენ უნივერსიტეტს უფლებას, ჩარიცხვის პროცესის ფარგლებში განახორციელოს საჭირო ინფორმაციის გადამოწმება, მათ შორის, აკადემიური მონაცემებისა და რეკომენდაციების შემოწმებით.

კონფიდენციალურობა

ვადასტურებ, რომ გავეცანი ნიუ ვიჟენ უნივერსიტეტის პერსონალური მონაცემების დამუშავების წესებს და ვიცი, რომ ჩემი პერსონალური მონაცემები დამუშავდება მხოლოდ კანონით განსაზღვრული მიზნებითა და მოქმედი კანონმდებლობის მოთხოვნების შესაბამისად.

თანხმობის გაუქმება

ვაცნობიერებ, რომ ნებისმიერ დროს შემიძლია გავაუქმო აღნიშნული თანხმობა უნივერსიტეტთან დაკავშირების გზით. ამასთან, მესმის, რომ თანხმობის გაუქმებამ შესაძლოა გავლენა მოახდინოს ჩემი განაცხადის განხილვისა და დამუშავების პროცესზე.