უნივერსიტეტის საიუბილეო საღამო
10 ოქტომბერს, ნიუ ვიჟენ უნივერსიტეტმა დაარსებიდან მეცხრე იუბილე იზეიმა.
ღონისძიებაზე პირველად გაჟღერდა უნივერსიტეტის ჰიმნი და შედგა ჰიმნზე გადაღებული კლიპის პრემიერა.
საიუბილეო საღამოზე ტრადიციულად კურსდამთავრებულთა დაჯილდოებაც გაიმართა. სამართლის, მედიცინის, პოლიტიკისა და დიპლომატიის, ბიზნესისა და ინფორმაციული ტექნოლოგიების სკოლების კურსდამთავრებულებმა უნივერსიტეტში გატარებული განსაკუთრებული მომენტები გაიხსენეს.
უნივერსიტეტის პერსონალთან ერთად, ღონისძიებაში უნივერსიტეტის სტუდენტები, კურსდამთავრებულები და მისი შვილობილი კომპანიების თანამშრომლები მონაწილეობდნენ, როგორც ერთი დიდი გუნდის ნაწილი.
ერთგულმა პარტნიორმა, გია ყანჩელის სახელობის თბილისის ახალგაზრდულმა ორკესტრმა კი უნივერსიტეტს განსაკუთრებული საჩუქარი გაუკეთა და საღამოს ფინალურ აკორდად მენდელსონის მეოთხე სიმფონია შეასრულა.