ორშაბათს, 12 ივლისს, ნიუ ვიჟენ უნივერსიტეტში ღია კარის დღე გაიმართა, სადაც მედიცინის სკოლამ და კლინიკური უნარების ლაბორატორიამ საექთნო საბაკალავრო პროგრამის პრეზენტაცია წარუდგინა ექთნის პროფესიით დაინტერესებულ საზოგადოებას.
საბაკალავრო პროგრამა ორიენტირებულია მოამზადოს ექთანი-მენეჯერები, რომლებიც შეძლებენ გაუმკლავდნენ და გადაჭრან დარგში არსებული გამოწვევები, იზრუნონ პაციენტთა ჯანმრთელობასა და უსაფრთხოებაზე.
პროგრამის ხელმძღვანელების მიერ ხაზი გაესვა საგანმანათლებლო პროგრამის უპირატესობებს: პროგრამაში წამყვანი ჰოლანდიური საექთნო სკოლების (Erasmus University MC; HZ University of Applied Sciences) პედაგოგების, ასევე ევროპის რეანიმაციის საბჭოს (ERC) სერტიფიცირებული ტრენერების ჩართულობას, პრაქტიკულ ელემენტებს და დასაქმების ფართო შესაძლებლობებს.
