„ტორპედო ქუთაისი“ UEFA-ს კონფერენს ლიგის მეორე საკვალიფიკაციო ეტაპზეა

უნივერსიტეტის საფეხბურთო კლუბი „ტორპედო ქუთაისი“ UEFA-ს კონფერენს ლიგის მეორე საკვალიფიკაციო ეტაპზე გადავიდა! 20 ივლისს, სარაევოში, ასიმ ფერმატოვიჩ ჰასეს სტადიონზე დაძაბული შეხვედრა გაიმართა – პირველი საკვალიფიკაციო ეტაპის განმეორებით მატჩში, გუნდი საფეხბურთო კლუბ „სარაევოს“ დაუპირისპირდა და ანგარიშით 1:1 (პენალტები 2:4) დაამარცხა. სარაევოში, „ტორპედო ქუთაისის“  საგულშემატკივროდ, უნივერსიტეტის წარმომადგენლებთან ერთად იმყოფებოდა „ნიუ ვიჟენ სასკოლო ოლიმპიადის" გამარჯვებული, თბილისის მე-2 საჯარო სკოლის გუნდი. თამაშამდე, პატარა სპორტსმენები ტორპედოს ფეხბურთელებს შეხვდნენ და სამახსოვრო ფოტოები გადაიღეს, მატჩის შემდეგ კი, ერთად აღნიშნეს მნიშვნელოვანი გამარჯვება.