Thu 21 Nov
სტუდენტური ორგანიზაციების ფესტივალი
20 ნოემბერს ნიუ ვიჟენ უნივერსიტეტში სტუდენტური ორგანიზაციების ტრადიციული ფესტივალი გაიმართა, სადაც სტუდენტებს შესაძლებლობა მიეცათ, გაცნობოდნენ უნივერსიტეტში მოქმედ მრავალფეროვან კლუბებსა და გაერთიანებებს. ღონისძიების მთავარი მიზანი სტუდენტური ორგანიზაციების საქმიანობის წარმოჩენა და ახალი წევრების მოზიდვა გახლდათ. ფესტივალმა როგორც პირველკურსელებს, ისე უფროსკურსელებს თანამოაზრეთა პოვნის შესაძლებლობა მისცა.
ნიუ ვიჟენ უნივერსიტეტი განსაკუთრებულ მნიშვნელობას ანიჭებს ინკლუზიური საუნივერსიტეტო გარემოს შექმნას. აკადემიური, კულტურული, სპორტული თუ სოციალური კლუბების მრავალფეროვნება სტუდენტებს საკუთარი ინტერესების გამოვლენისა და საუნივერსიტეტო ცხოვრებაში აქტიური მონაწილეობის შესაძლებლობას აძლევს.