ნიუ ვიჟენ უნივერსიტეტის ახალი კამპუსი დიდ ბრიტანეთში

ნიუ ვიჟენ უნივერსიტეტსა და დერბის უნივერსიტეტს (დიდი ბრიტანეთი) შორის ნასყიდობის ხელშეკრულება გაფორმდა. 1876 წელს აშენებული ისტორიული კამპუსი, სადაც მანამდე ხელოვნების სკოლა იყო განთავსებული, ნიუ ვიჟენ უნივერსიტეტის საკუთრებაში გადავიდა.

ნაგებობა გოთიკური სტილის არქიტექტურის ნიმუშია და კულტურული მემკვიდრეობის ძეგლთა ნუსხაშია შეტანილი. საზოგადოებრივი სივრცეები დიდი დერეფნებით, მარმარილოს სვეტებით, ქვის თაღებით, ტერაცოს სტილის იატაკით და ვიტრაჟებით არის წარმოდგენილი.