11 დეკემბერს, ნიუ ვიჟენ უნივერსიტეტში, საშობაო სოფელი გაიხსნა. უნივერსიტეტის შენობის ვიტრაჟები სტუდენტებმა და სტუმრებმა საზეიმოდ მოხატეს. უნივერსიტეტმა „საქართველოს კარიტასი“-სა და რეაბილიტაციისა და სოციალური ადაპტაციის ცენტრ „აისი“-ს ბენეფიციარებს უმასპინძლა. კამპუსში მოეწყო ბავშვების მიერ შექმნილი სამკაულების, ნაძვის ხის სათამაშოების, აქსესუარებისა და ნახატების გამოფენა-გაყიდვა. საშობაო დახლებთან სტუმრებმა გემრიელი საკვებითა და გლინტვეინით ისიამოვნეს. პატარა სტუმრებისათვის კი განსაკუთრებით სახალისო, ცხენით გასეირნება და საახალწლო სიმღერების შესრულება აღმოჩნდა.
ღონისძიებები ყოველ შაბათ-კვირას, 27 დეკემბრამდე გაგრძელდება.
