„ნიუ ვიჟენ სასკოლო ოლიმპიადა 2024-2025“ იწყება

ნიუ ვიჟენ უნივერსიტეტი, ახალგაზრდა თაობის განათლების, განვითარებისა და სკოლებში სასწავლო პროცესის ხელშეწყობის მიზნით, სასკოლო ოლიმპიადას უკვე მეოთხედ უწევს ორგანიზებას.

ოლიმპიადის საშემოდგომო სეზონზე რეგისტრაცია იწყება 1 ოქტომბერს და 15 ოქტომბრის ჩათვლით გაგრძელდება. მასში მონაწილეობა და საკუთარი ცოდნის გამოვლენა ყველა რეგიონის მე-10, მე-11 და მე-12 კლასის მოსწავლეებს 5 ძირითადი მიმართულებით შეეძლებათ:

• სიცოცხლის შემსწავლელი მეცნიერებები (ბიოლოგია, ქიმია, ფიზიკა);
• ესეების  კონკურსი ინგლისურ ენაზე;
• სამოქალაქო განათლება – სამართლებრივი საფუძვლები;
• ბიზნესი – სამეწარმეო საფუძვლები;
• მედია მიმართულება.

გამარჯვებულებს, მათი გამოცდილებისა და განვითარებისთვის შთამბეჭდავი პრიზები ელოდებათ წინ, კერძოდ:

• სწავლის დაფინანასება ნიუ ვიჟენ უნივერსიტეტში
•  „საშემოდგომო სკოლაში“ გამგზავრება „უნივერსიტეტის ელჩის“ სტატუსით
•  გაცვლით პროგრამებში ჩართვა
•  უცხოეთში სწავლება
• ანაზღაურებადი სტაჟირება უმსხვილეს ბიზნეს კომპანიაში და სხვა საინტერესო პრიზები.

სარეგისტრაციო ფორმის შევსება შეეძლება როგორც სკოლას, ასევე თავად მოსწავლეს. რეგისტრაციისთვის გთხოვთ, ეწვიოთ შემდეგ ბმულს.

ნიუ ვიჟენ უნივერსიტეტი ყველა მონაწილეს  უსურვებს წარმატებას!