ნიუ ვიჟენ უნივერსიტეტში ნავრატრის ფესტივალი გაიმართა

12-13 ოქტომბერს ნიუ ვიჟენ უნივერსიტეტში სტუდენტური საზოგადოება "ედუგრადიენტის" ორგანიზებით გაიმართა ნავრატრის ფესტივალი - ინდური კულტურის ერთ-ერთი უმნიშვნელოვანესი დღესასწაული. ფესტივალი მოიცავდა ტრადიციულ ცეკვებსა და მუსიკალურ წარმოდგენებს, რამაც სტუდენტებს საშუალება მისცა უშუალოდ გასცნობოდნენ ინდური კულტურის მდიდარ ტრადიციებს.

ეს ორდღიანი ღონისძიება მიზნად ისახავდა არა მხოლოდ ინდოელი სტუდენტებისთვის მშობლიური დღესასწაულის აღნიშვნის ხელშეწყობას, არამედ მულტიკულტურული გარემოს გაძლიერებასა და სტუდენტების კულტურული ცნობიერების ამაღლებას.