ხარისხის კულტურის კომიტეტის სხდომა

22 ივნისს, ნიუ ვიჟენ უნივერსიტეტში ხარისხის კულტურის კომიტეტის გაფართოებული სხდომა ჩატარდა. სხდომა 2020-2021 აკადემიური წლის განმავლობაში ჩატარებული კმაყოფილების კვლევის შედეგების განხილვას მიეძღვნა. კომიტეტის შეხვედრა ხელმისაწვდომი იყო ასევე ონლაინ რეჟიმშიც.

კურსდამთავრებულებთან ურთიერთობის სამსახურმა კურსდამთავრებულების, ხოლო სტუდენტური სერვისების ცენტრმა სტუდენტთა კმაყოფილების კვლევის შედეგები წარადგინა.

შეხვედრაზე განიხილეს ახალი სამიზნე ნიშნულების მიზანშეწონილობა უნივერსიტეტის სტრატეგიული განვითარებისთვის.