26 მაისს, დამოუკიდებლობის დღე უნივერსიტეტში საზეიმო კონცერტით აღინიშნა. ღონისძიებაში თბილისის ახალგაზრდული ორკესტრი და სიმებიანი კვარტეტი მონაწილეობდა. ახალგაზრდა მუსიკოსებმა ქართველი და უცხოელი კომპოზიტორების ნაწარმოებები შეასრულეს. მუსიკალური საღამოს მეორე ნაწილი სტუდენტების მილოცვებს დაეთმო.
ღონისძიებას ესწრებოდნენ უნივერსიტეტის პერსონალი და სტუდენტები მსოფლიოს მრავალი ქვეყნიდან. საპატიო სტუმრის სტატუსით სადღესასწაულო მიღებაში მონაწილეობა მიიღო საქართველოში ვიზიტით მყოფმა ევროპის ნევროლოგიური საზოგადოების, ამერიკის ნევროლოგთა აკადემიისა და ლონდონის ექიმთა სამეფო კოლეჯის საბჭოს წევრმა, პროფესორმა კლაუს ტოიკამ.
