Mon 18 Dec
კვლევითი პროექტების კონკურსი
ნიუ ვიჟენ უნივერსიტეტი აცხადებს კვლევითი პროექტების კონკურსს. კონკურსის მიზანია აკადემიური პერსონალის ჩართულობის წახალისება საზოგადოებაზე ორიენტირებულ კვლევებში.
პროექტის წარდგენისა და დაფინანსების პირობები:
- კვლევითი პროექტის წარმდგენი უნდა იყოს ნიუ ვიჟენ უნივერსიტეტის აფილირებული აკადემიური პერსონალი;
- პრიორიტეტულია პროექტში საზოგადოებრივად სასარგებლო კომპონენტის წარმოჩენა და კვლევის შედეგების გასაჯაროებისა, თუ გავრცელების გეგმის არსებობა (მათ შორის, გამოქვეყნების სავარაუდო შესაძლებლობის მითითება);
- უპირატესობად ჩაითვლება თანადაფინანსების არსებობა და საერთაშორისო კვლევითი კლასტერის ჩამოყალიბების შესაძლებლობა;
- პრიორიტეტულია განსახორციელებელ კვლევაში ნიუ ვიჟენ უნივერსიტეტის დოქტორანტთა/სტუდენტთა ჩართულობა, ასევე ბიო-სამედიცინო კვლევების შემთხვევაში ნიუ ვიჟენ საუნივერსიტეტო ჰოსპიტლის ჩართულობა;
- ნებისმიერი ლიცენზია თუ მოპოვებული უფლება, ისევე როგორც უნივერსიტეტის გრანტით შეძენილი ქონება იქნება უნივერსიტეტის საკუთრება როგორც პროექტის მსვლელობის, ისე მისი დასრულების შემდეგ;
- თითოეულ მკვლევარს/კვლევით ჯგუფს მხოლოდ ერთი პროექტის წარდგენა შეუძლია.
დაფინანსების მოსაპოვებლად საჭიროა წარმოადგინოთ შემდეგი დოკუმენტები:
პროექტის ტიპი, ხანგრძლივობა, დაფინანსების სქემა
· პროექტში ჩართული პერსონალის CV (ყველაზე რელევანტური პუბლიკაციების მითითებით, მაქსიმუმ 2 გვერდი)
შევსებული დოკუმენტები ერთ აკინძულ PDF დოკუმენტად უნდა წარმოადგინოთ კვლევისა და ინოვაციების კომიტეტის ელ. ფოსტაზე (rc@newvision.ge) 2024 წლის 18 თებერვლის დღის ბოლომდე.