Mon 17 Nov
მედია მასტერკლასი - ,,ყალბი ამბები, ჟურნალისტი და საზოგადოება”
ნიუ ვიჟენ უნივერსიტეტის მედიისა და კომუნიკაციის სკოლის ორგანიზებით 27-31 ოქტომბერს გაიმართა ხუთდღიანი ექსკლუზიური მედია მასტერკლასი - „ყალბი ამბები, ჟურნალისტი და საზოგადოება“.
ხუთი დღის განმავლობაში, 60-მდე სტუდენტმა და აბიტურიენტმა მოისმინა ჟურნალისტიკის მკვლევრებისა და პრაქტიკოსების, ჯონ მაქსველ ჰამილტონისა და მარინა ვაშაყმაძის ლექციები პროპაგანდისა და ყალბი ამბების ისტორიის, შექმნისა და გავრცელების მექანიზმებზე.
პროგრამა მოიცავდა ისეთ საკითხებს, როგორიცაა:
- ყალბი ამბების შექმნა და გავრცელება;
- პროპაგანდის მუშაობის პრინციპები და მისი გავლენა საზოგადოების ცნობიერებაზე;
- ჟურნალისტური ეთიკა ხელოვნური ინტელექტის ეპოქაში;
- ყალბი ამბების გავრცელება მედიაში და ინფორმაციის გადამოწმების სირთულეები სოციალურ მედიაპლატფორმებზე.