სტაჟირება ნიუ ვიჟენ უნივერსიტეტის იურიდიული დახმარების ცენტრში

ნიუ ვიჟენ უნივერსიტეტის იურიდიული დახმარების ცენტრი აცხადებს კონკურსს სტაჟიორთა შესარჩევად. კონკურსში მონაწილეობის მიღება შეუძლიათ საქართველოში ავტორიზებული უმაღლესი სასწავლებლების იურიდიული ფაკულტეტის კურსდამთავრებულებს, ასევე, ბაკალავრიატის მე-3 და მე-4 კურსის ან სამაგისტრო პროგრამების სტუდენტებს. სტაჟირების დასრულების შემდეგ წარმატებულ სტაჟიორებს სერტიფიკატები გადაეცემათ.

სტაჟირების პროგრამა დაიწყება 2025 წლის 1-ლი აპრილიდან და მისი ვადა შეადგენს 6 თვეს.                   

კანდიდატთა შერჩევა მოხდება ტესტირებისა და გასაუბრების საფუძველზე. წერილობითი გამოცდა ჩატარდება 19 მარტს. კანდიდატი უნდა ფლობდეს ინგლისურ ენას არანაკლებ B2 დონეზე.

იურიდიული დახმარების ცენტრში პრაქტიკის გავლის მსურველებმა უნდა შეავსონ სააპლიკაციო ფორმა არაუგვიანეს 2025 წლის 17 მარტის 18:00 საათისა.

უფასო იურიდიული დახმარება გულისხმობს: უფასო იურიდიულ კონსულტაციას (ზეპირი ან წერილობითი ფორმით) სამოქალაქო და ადმინისტრაციული სამართლის სფეროში; განცხადების, საჩივრის, სარჩელის/შესაგებლის ან სხვა სახის იურიდიული დოკუმენტაციის მომზადებას; დაინტერესებული პირის უფასო წარმომადგენლობას ადმინისტრაციულ ორგანოებსა და პირველი ინსტანციის სასამართლოში ადმინისტრაციულ და სამოქალაქო საქმეებზე.