ᲛᲘᲡᲘᲐ ᲓᲐ ᲡᲢᲠᲐᲢᲔᲒᲘᲐ
მისია
უნივერსიტეტის მისიაა ინდივიდის თვალსაწიერის გაფართოება განათლების, კვლევისა და სიახლის დანერგვის ხელშეწყობით. უნივერსიტეტი ახალისებს ინდივიდს, დახვეწოს და გააზიაროს ცოდნა, უნარები და ღირებულებები საზოგადოების საკეთილდღეოდ. ნიუ ვიჟენ უნივერსიტეტი იზიარებს სოციალურ პასუხისმგებლობას და ასევე ხელს უწყობს განათლების მიღების თანაბარ შესაძლებლობებს სტუდენტებისათვის მსოფლიოს ნებისმიერი კუთხიდან.
ხედვა
უნივერსიტეტი ქმნის ღია, ინოვაციურ და თანამშრომლობით გარემოს, რათა სტუდენტთა ჩართულობით წვლილი შეიტანოს საზოგადოების განვითარებაში ეროვნულ და საერთაშორისო დონეზე. თანაბარი ხელმისაწვდომობის და მიუკერძოებლობის პრინციპების დაცვით, უნივერსიტეტი უზრუნველყოფს განსხვავებული საჭიროებების სტუდენტზე ორიენტირებულ და მთელი სიცოცხლის განმავლობაში სწავლის შესაძლებლობებს. სამოქალაქო საზოგადოების, სახელმწიფოსა და ბიზნესის წარმომადგენლებთან თანამშრომლობით, უნივერსიტეტი ესწრაფვის ცოდნისა და ინოვაციების გავრცელებას ადგილობრივ და საერთაშორისო საზოგადოებაში. ეკოლოგიურად ჯანსაღი გარემოს ფორმირების პასუხისმგებლობის გაზიარებით, უნივერსიტეტი ახალისებს გარემოსდაცვით განათლებას საზოგადოების ცნობიერების ასამაღლებლად და მის დასაცავად ერთობლივი მოქმედებისათვის. ცოდნის შექმნით, გაფართოება-გავრცელებითა და კვალიფიციური კადრების მომზადებით უნივერსიტეტი ხელს უწყობს ეკონომიკურ წინსვლასა და მდგრადობას.
ღირებულებები და დამოკიდებულებები
უნივერსიტეტის გუნდის მიერ გაზიარებული ღირებულებები და დამოკიდებულებებია:
- თანამშრომლობა,
- კვლევაზე კონცენტრაცია,
- შემოქმედებითობა პრობლემის გადაჭრისას,
- მრავალფეროვნება,
- ეფექტიანობა,
- თანასწორობა,
- მიუკერძოებლობა,
- ეთიკური ლიდერობა,
- თავისუფლება,
- ინოვაცია,
- ინტეგრაცია,
- პატიოსნება,
- სამართლიანობა,
- ღიაობა,
- პროფესიონალიზმი,
- საზოგადოებისადმი ანგარიშვალდებულება,
- უსაფრთხოება,
- სოციალური ჩართულობა.
სტრატეგიული გეგმა 2025-2031
სტრატეგიული განვითარების გეგმა 2025–2031 აყალიბებს ნიუ ვიჟენ უნივერსიტეტის სტრატეგიულ ფოკუსს მომდევნო წლებისთვის. ის ასახავს უნივერსიტეტის მისიას, გააფართოოს ინდივიდის თვალსაწიერი განათლების, კვლევისა და სიახლის დანერგვის ხელშეწყობით, და შთააგონოს ის საზოგადოების კეთილდღეობის განვითარებისთვის. გეგმა შემუშავდა შიდა ანალიზისა და ფართო კონსულტაციების შედეგად, და უნივერსიტეტის სლოგანის - შთააგონე ზრუნვა - საფუძველზე. სლოგანი წარმოადგენდა შთაგონების წყაროს სტრატეგიული პრიორიტეტების დასახელებისა და ჩარჩოს განსაზღვრის პროცესში.
გეგმა აყალიბებს განვითარების პრიორიტეტებს უნივერსიტეტის ძირითადი აკადემიური და ინსტიტუციური მიმართულებების ფარგლებში და წარმოადგენს საფუძველს მდგრადი, პასუხისმგებლიანი და მომავალზე ორიენტირებული განვითარებისთვის.