პროექტები

Network Europe
ნიუ ვიჟენ უნივერსიტეტი Network Europe-ის ქსელის წევრია. Network Europe არის პლატფორმა დასავლეთ, აღმოსავლეთ და ცენტრალური ევროპის ქვეყნების იმ საგანმანათლებლო დაწესებულებებს შორის თანამშრომლობისთვის, რომლებიც იკვლევენ ევროინტეგრაციის სხვადასხვა ასპექტს. ქსელის წევრები არიან ევროპული კავშირის დამფუძნებელი წევრი სახელმწიფოების, ახალი წევრი სახელმწიფოებისა და ევროპულ კავშირში გაწევრიანების პერსპექტივის მქონე და არმქონე ქვეყნების საგანმანათლებლო დაწესებულებები. ქსელის წევრებს საშუალება აქვთ ფორუმში განიხილონ ევროინტეგრაციის პროცესის სხვადასხვა სამართლებრივი თუ პოლიტიკური საკითხები. 2014 წელს Network Europe-ის მეექსვე კონფერენცია ჩატარდა თბილისში, რომელსაც ნიუ ვიჟენ უნივერსიტეტმა უმასპინძლა. 2015 წლის 15-17 ივლისს, ერევანში Network Europe-ს მეშვიდე საერთაშორისო კონფერენცია გაიმართა. ყოველწლიური საერთაშორისო კონფერენცია, რომელშიც აღმოსავლეთ ევროპის სხვადასხვა უმაღლესი სასწავლებლების პროფესორები მონაწილეობენ, წელს ევროპის უსაფრთხოების საკითხებს მიეძღვნა.კონფერენციაზე მოხსენებით წარდგა ნიუ ვიჟენ უნივერსიტეტის სამართლის სკოლის დეკანი, პროფესორი გაგა გაბრიჩიძე.